របៀបដាក់ Google Analytics នៅក្នុងប្លុក (Blogger)

   វាពិតជាអស្ចារ្យ (មិនធម្មតា) នៅពេលដែលខ្ញុំបានប្រើប្រាស់ ក៏ដូចជាស្គាល់នូវ ឧបករណ៍ថ្មីមួយទៀត របស់ក្រុមហ៊ុន Google។ វាគឺជា Google Analytics (GA) ដែលខ្ញុំបានប្រើប្រាស់នៅលើប្លុករបស់ខ្ញុំ បានរយៈពេល ៥ថ្ងៃមុននេះ។ ហើយខ្ញុំ ក៏កំពុងតែរាវៗ ក្នុងការប្រើប្រាស់វាផងដែរ។ :D តើអ្នកទាំងអស់គ្នាបានប្រើប្រាស់ Google Analytics នៅក្នុងប្លុក ឬគេហទំព័ររបស់អ្នកហើយឬនៅ? ខ្ញុំជឿថា ប្លុកខ្មែរមួយចំនួនធំ មិនទាន់បានប្រើប្រាស់ Google Analytics នេះទេ។

   តើអ្នកដឹងអ្វីខ្លះអំពី Google Analytics?
   ខ្ញុំនឹងនិយាយពីអត្ថប្រយោជន៍របស់ Google Analytics ដែលខ្ញុំបានដឹងប្រាប់អ្នកទាំងអស់គ្នា ដើម្បីឲ្យដឹងថា តើហេតុអ្វីបានយើងប្រើវា យើងប្រើវាដើម្បីអ្វី?
- Google Analytics គឺជាសេវាឥតគិតប្រាក់ (Free) មួួយរបស់ក្រុមហ៊ុន Google
- Google Analytics ជួយឲ្យយើងដឹងថា តើនរណាខ្លះបានចូលទស្សនា គេហទំព័រ ឬប្លុករបស់អ្នក? ពួកគេប្រើកម្មវិធីរុករកប្រភេទណា? នៅប្រទេសណា? ទីក្រុងណា? .....
- យើងអាចដឹងថា អ្នកទស្សនាទាំងនោះប្រើប្រាស់ Operating System ប្រភេទណាទៀតផង :D
- នៅពេលដែលអ្នកទស្សនា បានចូលមើលប្លុករបស់អ្នក វាអាចធ្វើឲ្យអ្នកដឹងថា តើថ្ងៃណាមួយ ដែលមានចំនួនប្រកង់អ្នកចូលមើលច្រើនបំផុត។
- អាចធ្វើឲ្យប្លុកយើងមានដំណើរការលឿនជាងមុនទៀតផង។
- មើលដឹងពីដំណភ្ជាប់ជាក់លាក់ណាមួយ ដែលអ្នកទស្សនាបានចុច និងមានជាច្រើនទៀត ដែលលោកអ្នកគួរស្វែងយល់ដោយខ្លួនឯង :D ។

   *** តទៅនេះ ខ្ញុំនឹងណែនាំលោកអ្នកអំពីរបៀបដាក់ Google Analytics ងាយៗនៅក្នុង Blogger។
1/. បន្ទាប់ពីអ្នកមាន Google Account រួចហើយ អ្នកអាច Login ចូលគណនីនោះឲ្យហើយ។
2/. ហើយសូមចុចលើប៊ូតុង Access Google Analytics

3/. ចុចលើប៊ូតុង "Sign Up" នោះវានឹងលោតទៅទំព័របន្ទាប់ទៀត។

4/. នៅកន្លែងនេះ តម្រូវឲ្យអ្នកបំពេញលក្ខខណ្ឌឲ្យបានត្រឹមត្រូវ។

5/. ពេលលោកអ្នកបំពេញគ្រប់លក្ខខណ្ឌរួចហើយ សូមចុចលើប៊ូតុងពណ៌ខៀវដែលសរសេរថា "Get Tracking ID"
6/. បន្ទាប់មកវានឹងចេញផ្ទាំងមួយមកបង្ហាញ ដោយយើងគ្រាន់តែចុច "I Accept"

7/. ជាចុចក្រោយវានឹងប្រាប់យើងថា "Success" ហើយ។ :D
8/. ចប់ពីដំណាក់កាលនៃការចុះឈ្មោះ សូមចូលដល់ដំណាក់កាលនៃការដាក់ចូលប្លុកវិញ។ នៅពេលដែលអ្នក Success ជាមួយនឹង Google Analytics រួចហើយនោះ លោកអ្នកនឹងឃើញទំព័រដើមបង្អស់ របស់គណនី Google Analytics។ អ្នកត្រូវដឹងពី Tracking ID របស់វា ដោយចុចលើឈ្មោះ នៃ PROPERTY របស់វា នោះនឹងឃើញហើយ (មើលរូប)។ *** សូមចម្លងលេខនេះទុក។

9/. បន្តពីនោះមកទៀត សូមចូលក្នុងប្លុករបស់អ្នក ដោយចូលតាម >> Settings >> Other >> Analytics Web Property ID ។ ហើយបិទភ្ជាប់លេខ Tracking ID ដែលអ្នកបានចម្លងអំបាញ់មិញ ចូលក្នុងប្រអប់ Analytics Web Property ID។